स्वामी हरीनंद उर्फ गावकऱ्यांचे गोपी ह्यांच्या दृष्टांता नुसार कै. श्री. गणपत जीवनजी महंत यांनी हे राम मंदिर बांधले. सभामंडप सभा मंडपाला कोरीव खांब. दोन खांबाच्या मध्ये एक कमान. श्री राम लक्ष्मण सीता हनुमंत ह्यांच्या संगमरवरी मुर्त्या. ह्या देवळाला प्रदक्षिणा घालता येत नाहीत कारण ह्या मुर्त्या हरीनंद स्वामींच्या समाधीवर स्थापन केल्यामुळे असेल. आणखी एक गोष्ट ह्या मंदिराच्या बाबत जाणवते ती म्हणजे ह्या मंदिराला पाटलादेवी – शंकर मंदिरा समोरील दीपमाळे सारखी दीपमाळ नाही आणि हे मंदिर पश्चिमाभिमुख आहे. गाभाऱ्यात जाताना दरवाजाच्या चौकटीवर मध्यभागी गणपती बसवलेला आहे. इतक सुंदर देऊळ बांधण तस खर्चिक होत. त्यावेळचे धार्मिक श्री. देवडीवाला यांनी ह्या मंदिराचे सभागृह व इतर खर्च केला. ह्या मंदिराला आता १०८ वर्ष पूर्ण होतील.

देवळाच्या पवित्र जागेत एक औदुंबर आहे. राम मंदिराच्या डाव्या बाजूस ह्या औदुंबरस श्री. अक्कलकोट आणि श्री. गजानन महाराजांचे शिष्य श्री. गंगाधर स्वामी यांनी भेटी दिल्याचे ऐकिवात आहे. हेच महत्व लक्षात घेऊन ट्रस्टने भक्तांच्या सोईसाठी औदुंबराच्या चौथऱ्यावर दत्त मंदिर, श्री. अक्कलकोट स्वामी, श्री. गजानन महाराज व राधाकृष्णाच्या मूर्त्यांची स्थापना केली. छोट्या छोट्या देवळ्या बांधल्या व औदुंबरला एक वेगळे स्थान प्राप्त करून दिले.

हा परिसर मोठा आहे आणि म्हणून तो भक्तांना आवडतो. ह्या राम पंचायतनात आल्यावर मन प्रसन्न होते व आपल्या मनोकामना पूर्ण होण्यास एक दिशा मिळते हे ह्या देवतांच्या कृपार्शीवादा मुळेच.